Fólkið þitt notar gervigreind. Við höldum gögnunum heima.

Um viðskiptavininn

BYKO er leiðandi verslun á Íslandi með byggingarvörur og vörur fyrir heimilið, með verslanir um allt land, þjónustuver og höfuðstöðvar í Reykjavík.

Áskorunin

Starfsfólk var farið að nota opin gervigreindartól til að skrifa, taka saman og fletta upp. Viðkvæm gögn fóru út fyrir fyrirtækið, stjórnun var ólík milli deilda og ekkert eitt vinnusvæði var til sem fyrirtækið gat staðið á bak við.

Lausnin

APRÓ setti Vitann upp sem vinnusvæði fyrir allt fyrirtækið, með innskráningu í gegnum auðkenniskerfi BYKO, aðgangi eftir deildum og tveggja þátta auðkenningu. Vitinn tengist vöruupplýsingakerfi BYKO fyrir vörur, lagerstöðu og verð, og Relesys fyrir verklagsreglur og þjálfun. Svörin byggja á innri skjölum BYKO, og persónugreinanleg gögn eru greind og síuð í hverri fyrirspurn. Sér umhverfi, miðlæg dulkóðun og lyklastjórnun og full skráning á notkun halda stjórninni hjá BYKO.

Niðurstaðan

• Notkun um allt fyrirtækið á nokkrum mánuðum
• Opin gervigreindartól leyst af hólmi með einu vinnusvæði
• Vöruupplýsingar, lagerstaða og svör um verklag á sekúndum

Um viðskiptavininn

Miðstöð menntunar og skólaþjónustu (MMS) styður alla leikskóla, grunnskóla og framhaldsskóla á landinu.

Áskorunin

MMS þurfti gervigreind fyrir ólík verkefni, þekkingarleit starfsfólks, greiningu á umsóknum í skóla, námsefni og gögn um nemendur, án þess að viðkvæm gögn færu út fyrir umhverfi sem stenst kröfur opinberra aðila. Stjórnun, persónuvernd og ströng aðgreining gagna milli stofnana voru skilyrði á öllum stigum, og hver uppsetning þurfti að standast úttekt.

Lausnin

Vitinn var settur upp í umhverfi MMS með innskráningu, aðgangsstýringu eftir hlutverkum, einkatengingum, persónuverndarvörnum og fullri skráningu. Starfsfólk hefur tvo erindreka: almennan erindreka til að skrifa, taka saman og þýða, og sérhæfðan erindreka sem svarar aðeins úr staðfestu efni MMS og vísar alltaf í heimild. APRÓ smíðaði líka erindreka ofan á umsóknagrunninn, svo skólar geta spurt eigin umsóknargögn á mannamáli, með aðgreiningu gagna milli skóla. Að auki smíðaði APRÓ gervigreindarlesara sem gerir bækur og námsefni gagnvirkt fyrir nemendur og kennara. Engin gögn MMS eru notuð til að þjálfa módel.

Niðurstaðan

• Starfsfólk fær staðfest svör strax, alltaf með heimild
• Skólar um allt land greina eigin umsóknargögn á mannamáli
• Námsefni gert gagnvirkt fyrir nemendur og kennara

Um viðskiptavininn

VÍS er eitt af leiðandi tryggingafélögum landsins og starfar undir reglum fjármálamarkaðar.

Áskorunin

Margar deildir höfðu prófað opin gervigreindartól án samræmingar. Stjórnun var að tvístrast, öryggi var ólíkt milli teyma og leyfiskostnaður óx án skýrrar yfirsýnar yfir notkun. VÍS þurfti gervigreind sem treysta mátti fyrir eigin gögnum og nýtist í raunverulegri vinnu, ekki enn eitt spjalltólið sem stoppar í öryggisrýni.

Lausnin

Vitinn var settur upp í eigin AWS-umhverfi VÍS innan ESB, með einkatengingum við innri kerfi. Innskráning, aðgangur og skráning fara um miðlæga auðkenningu, dulkóðun og lyklastjórnun. Ein gervigreindargátt beinir fyrirspurnum á ólík módel, sem gefur yfirsýn yfir kostnað án þess að binda vinnuna við einn birgi. Ofan á það smíðaði APRÓ erindreka sem tekur við tjónaskjölum úr Salesforce, les þau og greinir innan umhverfis VÍS og skilar niðurstöðum til tjónafulltrúa í málakerfinu. Erindrekinn auðkennir sig í hverju kalli, einangrar hverja lotu og skrifar ekkert út fyrir umhverfi VÍS.

Niðurstaðan

• Eitt vinnusvæði í stað sundurlausra gervigreindartóla
• Erindreki í tjónaferlinu: gögn mála fara ekki út fyrir ský VÍS
• Í rekstri með vöktun og viðvörunum