Fara beint í efni
Vitinn
en— English

Ráðgjöf

Gervigreindin getur skilað meiru. Við hjálpum ykkur að ná því fram.

Staðan í innleiðingu gervigreindar er ólík milli fyrirtækja og stofnana. Sum eiga nú þegar það sem þarf, önnur þurfa eitt lag í viðbót, og sum eru tilbúin að breyta því hvernig unnið er. Við förum yfir stöðuna með þér og ráðleggjum næsta skref.

Bóka ráðgjöf
VIRÐITÍMITilraunir án stefnu -staðna eftir fyrstu skrefin01Leikreglur02Öruggt lag03Tengd gögn04Virði í rekstriVirðið sem bíður

Hvar gervigreind fer að skila virði

Þrjú þrep, og flest fyrirtæki eru á milli einstaklings og teymis

  1. 1·Einstaklingur

    Starfsfólk notar gervigreind í afmörkuð verkefni, sumir með tengingar í kerfi og staka erindreka.

    Ávinningurinn fylgir einstaklingnum

  2. 2·Teymið

    Teymi samnýtir verklag, til dæmis í hugbúnaðarþróun þar sem gervigreind er notuð á ólíkum stigum.

    Þekking safnast upp innan rekstrareininga

  3. 3·Skipulagsheildin

    Ferlarnir endurhugsaðir í kringum gervigreindina, sameiginlegir erindrekar og gervigreindin undir stjórn viðskiptahliðarinnar.

    Virðið myndast þvert á fyrirtækið

Útbreiðsla gervigreindar innan fyrirtækisins →Virði fyrir reksturinn

Erindrekar eru til á öllum þrepum. Munurinn er hvort virðið sem skapast verði samnýtanlegt.

Hvar ertu á leiðinni?

Fyrir fyrirtæki og stofnanir

Fjögur þrep. Þú byrjar þar sem þú ert.

  1. 01

    Leikreglur

    Skuggagervigreind kortlögð og stefna skrifuð, svo starfsfólk viti innan hvaða ramma það starfar. Leyfin sem eru til staðar duga oft lengra en fólk heldur.

    „Hvaða gögn mega fara í gervigreind - og hver ákveður það?“

    Tillaga okkar

    Oft þarf ekki að kaupa neitt

  2. 02

    Öruggt lag

    Þegar þarfirnar aukast: gögnin unnin í þínu eigin umhverfi í Evrópu, kostnaður sýnilegur og undir stjórn, og verktakar vinna innan þíns ramma.

    „Verktakinn notar sín tól - en kóðinn fer ekki um persónulega áskrift.“

    Tillaga okkar

    Vitinn

  3. 03

    Tengd gögn

    Traustur grunnur og fyrirtækjagögnin aðgengileg með spurningum á mannamáli. Fólk kemst yfir meira á dag.

    „Hvernig stöndum við gagnvart fjárhagsáætlun í dag?“

    Tillaga okkar

    Tengjum gögnin

  4. 04

    Virði í rekstri

    Ferlarnir eru endurhugsaðir, ekki bara breytt. Stundum borgar sig að byrja upp á nýtt: hvernig liti ferillinn út ef hann væri hannaður í dag? Afkastagetan eykst án jafnmargra nýráðninga, og örari skráning kemur í veg fyrir tekjuleka.

    „Tímar sem eru skráðir jafnóðum gleymast ekki - og tími sem gleymist er aldrei reikningsfærður.“

    Tillaga okkar

    Endurhugsum ferlana

Fyrir hugbúnaðarteymi

Flest teymi nota gervigreind nú þegar. Spurningin er hvort hún sé komin lengra en í ritilinn.

  1. 01

    Aðstoðarmaður

    Claude, Codex eða Copilot í ritlinum. Hver og einn verður fljótari, en virðið fylgir einstaklingnum og verklagið er ólíkt milli manna.

    „Útskýrðu þessa villu og leggðu til lagfæringu.“

    Tillaga okkar

    Oft þarf ekki frekari fjárfestingu. Nýtum leyfin sem eru til staðar, t.d. Codex og Claude.

  2. 02

    Sameiginlegt verklag

    Umgjörðin nýtt til fulls og tengd verkferlum teymisins: kröfulýsingar, sameiginleg kunnátta og gæðahlið sem allir nota. Námskeið koma teyminu á sama stað.

    „Teymið vinnur eftir sömu kröfulýsingu og sömu hliðum - ekki hver eftir sinni aðferð.“

    Tillaga okkar

    Námskeið og sameiginlegt verklag

  3. 03

    Bestun

    Mælt hvað virkar og hvað ekki: hvar breytingar tefjast, hvað þær kosta og hvort tækniskuld safnast upp. Yfirferð verður nýi flöskuhálsinn og hún þarf að vera skipulögð.

    „Hvað kostar hver breyting í rekstur - og hvar bíður hún lengst?“

    Tillaga okkar

    Greinum og mælum

  4. 04

    Erindrekar sem vinna verkið

    Þróunarferlið er hannað í kringum erindrekana, ekki öfugt. Þeir grípa verkefni, vinna í einangruðu umhverfi og skila tillögu með prófunum. Sérfræðingur les kóðann og ákveður hvað fer í rekstur.

    „Villan er komin með prófaða tillögu að lagfæringu áður en teymið mætir.“

    Tillaga okkar

    Agentic þróun

Hvernig við hjálpum

Frá fyrsta fyrirlestri til ferla í rekstri. Hver þjónusta á heima á einu þrepi, svo þú tekur aðeins það sem næsta skref kallar á.

Upphafið

Úttekt á stöðunni

Við förum yfir hvar þið eruð á þrepunum: hvaða tól eru í notkun, hvaða gögn skipta máli og hvar virðið liggur. Þið fáið tillögu að næsta skrefi, og stundum er hún að kaupa ekkert.

  • Þrep 01 · Leikreglur

    Fyrirlestrar um gervigreind

    Almenn notkun gervigreindar fyrir starfsfólk og stjórnendur: hvað hún gerir vel, hvar hún bregst og hvernig á að nota hana á öruggan hátt.

  • Þrep 01 · Leikreglur

    Ráðgjöf um örugga innleiðingu

    Stefna og leikreglur: hvaða gögn má nota, hvar þau eru unnin og hver hefur aðgang. Grunnurinn sem allt annað byggir á.

  • Þrep 02 · Öruggt lag

    Námskeið í Claude, Claude Code og GitHub Copilot

    Hagnýt þjálfun með verkefnum úr ykkar daglegu vinnu: Claude fyrir starfsfólk, og Claude Code og GitHub Copilot fyrir hugbúnaðarteymi.

  • Þrep 03 · Tengd gögn

    Undirbúningur gagna

    Aðstoð við að gera gögnin tilbúin fyrir gervigreind: hvaða gögn skipta máli, hvar þau eru og hvernig þau tengjast á öruggan hátt.

Þrep 04 · Virði í rekstri

Ferlar og erindrekar

Við endurhugsum einn feril frá grunni, frá greiningu til erindreka í rekstri, og mælum hverju hann skilar.

Ekki breyta ferlinum. Endurhugsaðu hann.

Flestir byrja á því að setja gervigreind ofan á ferlana sem eru til. Þá fer sama vinnan fram, aðeins hraðar, og gömlu flöskuhálsarnir fylgja með. Mesta virðið kemur þegar ferillinn er hugsaður upp á nýtt.

Að breyta ferli

  • Gervigreind bætt ofan á núverandi skref
  • Sömu handtök, aðeins hraðar
  • Skref sem voru til vegna handavinnu standa áfram

Dæmi: tímaskráning

Starfsfólk fær áminningu um að skrá tímana sína og gervigreind hjálpar því að orða færslurnar.

Að endurhugsa ferli

  • Byrjað á útkomunni: hvað þarf að gerast, og hvers vegna
  • Skref sem voru aðeins til vegna handavinnu hverfa
  • Fólk vinnur þar sem dómgreind skiptir máli, erindrekar sjá um restina

Dæmi: tímaskráning

Tímarnir verða til úr dagatali, verkbeiðnum og kóða. Starfsmaðurinn staðfestir í lok dags, og ekkert gleymist.

Stundum er besta leiðin að byrja upp á nýtt. Ef ferillinn væri hannaður í dag, með þeim tólum sem eru til, hvernig liti hann út?

Sjá hvar virðið liggur og hvað aðrir hafa mælt

Við byrjum ekki á því að selja þér eitthvað

  1. Samtal

    Við förum yfir hvar þú stendur og hvar sársaukinn liggur.

  2. Greining

    Einn ferill eða eitt teymi kortlagt eins og það er í dag, og hvernig það liti út ef það væri hannað í dag.

  3. Tillaga

    Hvað er hægt að gera, hvað ekki, hvað það kostar og hverju það skilar. Stundum er tillagan að kaupa ekkert.

  4. Framkvæmd

    Ef þú heldur áfram förum við með ferilinn alla leið. Við skilum ekki skýrslu.

Útkoman er niðurstaða greiningarinnar, ekki forsenda hennar.

Tæknin er minnsti hlutinn

Árangursrík innleiðing gervigreindar byggir að mestu á fólki og ferlum, en aðeins að litlu leyti á tækninni sjálfri. Þess vegna byrjum við á stöðunni hjá þér en ekki á vörunni.

Hvar stendur þú?

Hálftíma samtal dugar oft til að sjá hvaða þrep á við og hvort næsta skref kostar eitthvað.

Bóka ráðgjöf

Talaðu við okkur

Hafðu beint samband við okkur sem stöndum að þessu. Við svörum sjálf.

Eða skrifaðu okkur á apro@apro.is